Чешка си припомнува на Јан Палах

Прага, 16 јануари 2012 (МИА) - Чешка деновиве со разни манифестации си припомнува на студентот Јан Палах, кој пред 43-години се самозапали во центарот на Прага и три дена подоцна почина од здобиените изгореници, јави дописникот на МИА од чешката метропола.

Со чинот на самоповредување, 20-годишниот студент го изрази протестот против ограничувањето на слободата и пасивниот пристап на чешката јавност по окупацијата на поранешна Чехословачка од армиите на државите на Варшавскиот пакт.

- Палах не протестираше против окупацијата, туку против тоа што општеството започна да прави морални компромиси. Сакаше со својата жртва да ни го врати достоинството, изјави за Чешкото радио, документаристката Ева Нахмилнерова.

Во чест на Палах од денеска на интернет порталот HYPERLINK "http://www.janpalach.cz"www.janpalach.cz е објавени десетици досега непознати фотографии на младиот студент, како и адио снимки на познати личности кои говорат за неговиот херојски чин.

- Неговата сторија ја претставивме така што не завршува со смрт, туку и натаму продолжува во огромен одзив, изјави Петр Блажек, учесник во Проектот.

Погребот на Палах во 1969 година на кој присуствуваа десетици илјади лица и кој стана симбол на будење на чешкиот отпор, предизвика бран на слични самоубиства во Чешка и во многу земји од поранешниот советски блок.