Отава, 7 мај 2014 (МИА) - НАТО, како резултат на зголемените тензии меѓу Русија и Украина ќе ја разгледа можноста за постојано распоредување на свои сили во Источна Европа, изјави синоќа главниот командант на силите на Алијансата во Европа, генерал Филип Бридлав.
НАТО организира неколку куси ротации на воените сили во Источна Европа, но тие ќе завршат до крајот на оваа година.
Генерал Бридлав на прес-конфреција во Отава изјави дека според него условите бараат да се разгледа можноста за постојано распоредување на сили на Алијансата во тој дел од Европа.
- Претстои ова прашање да биде разгледано со лидерите на земјите-членки, додаде тој и порача дека мерките за безбедност на НАТО имаат заштитен карактер и немаат за цел да ја провоцираат Русија.