Во Анкара објавена стихозбирката „Врв“ на Ферид МухиќСкопје, 10 јуни (МИА) - Издавачката куќа „Бенгу“ од Анкара објави избор од поезијата на македонскиот поет, есеист и филозоф Ферид Мухиќ. Стихозбирката насловена „Врв“ содржи 116 песни кои на турски јазик ги преведе Марија Леонтиќ.
Предговорот кон книгата го напиша познатиот турски критичар Хусеин Обзај, кој беше и промотор на книгата.
Промоцијата на „Врв“ во Анкара ја организираше Сојузот на писателите на Евроазија и на неа присуствуваа повеќе угледни личности од литературниот и културниот живот на Турција меѓу кои беше и турскиот министер за култура Ертуѓул Гунај.
|