Скопје, 4 мај (МИА) - Во Собранието на Република Македонија попладнево беше врачена државната награда „Гоце Делчев“ за 2009 година за особено значајни остварувања во науката.
Годинашни добитници на наградата се д-р Нинослав Ивановски и д-р Ристо Гроздановски за трудот „Хронична бубрежна болест - превенција, клиника и терапија“, д-р Трајче Стафилов, д-р Роберт Шајн, д-р Златко Панчевски, д-р Блажо Боев, д-р Марина Фронтасјева и д-р Људмила Стрелкова за трудот „Геохемиски атлас на Велес и неговата околина“ и д-р Томе Неновски за трудот „Структура на јавните финансии во Република Македонија“.
Наградата им ја врачи Георги Старделов, претседателот на Одборот за доделување на наградата „Гоце Делчев“, а во име на сите добитници се заблагодари д-р Ристо Гроздановски.