Во дебарското село Гари осветен милениумски крстДебар, 27 септември (МИА) - Во дебарското село Гари по повод големиот православен празник Воздвишение на чесниот крст - Крстовден беше осветен Милениумски крст.
Осветувањето го изврши намесникот на дебарската парохија, Благоја Спировски, во присуство на голем број некогашни жители на селото.
Крстот е висок десет метри, а е изграден со средства - донација од Јован Марковски од Скопје, по потекло од ова село.
- Крстот нека го осветлува селото како што Исус Христос го осветлува светот и христијанството, рече Марковски.
Во ова село, едно од десеттината на Мала Река, до пред околу пет децении имало повеќе од 1.800 жители, но по затворањето на земјоделската задруга тие масовно го напуштаат селото и главно се населуваат во Скопје. Во обновените куќи тие редовно доаѓаат, особено во летниот период.
|