Скопје, 22 октомври 2010 (МИА) - Претседателот на Владата на Црна Гора Мило Ѓукановиќ денеска ќе престојува во еднодневна официјална посета на Република Македонија на покана на премиерот Никола Груевски.
Како што соопшти владината прес-служба, по церемонијата на пречек со високи државни и воени почести Груевски и Ѓукановиќ ќе одржат тет-а-тет средба, по што ќе следат разговори во пленум на двете делегации.
На средбите ќе стане збор за билатералната соработка,а ќе бидат потпишани и договори и спогодби помеѓу владите на Македонија и на Црна Гора.