Откако не го видовме на манифестациите кои се одржаа од страна на ДУИ за прослава на Денот на албанското знаме, првиот човек на ДУИ Мендух Тачи ја засилува реториката во пресрет на мартовските избори.
- Во Чаир ќе забраниме да се пее песната „Македонско девојче, а албанското знаме никогаш нема да биде помало од македонското, ја пренесе мкд.мк изјавата на лидерот на ДПА, Мендух Тачи на вчерашната конвенција на партијата на која беа промовирани кандидатите за градоначалници за претстојните локални избори.
Алсат-М го објави делот од говорот на Тачи во кој тој рекол дека Албанците во Македонија се во лоша состојба и затоа заедно треба да работат кон остварување на националните интереси. За тешката ситуација на Албанците тој ја обвини владејачката ДУИ.
Тачи побара одговор зошто не се регулира статусот на учесниците во конфликтот од 2001-та година и зошто наместо 30, за Албанците се одвојува само 10 проценти од буџетот.
Кандидат на ДПА за градоначалник на Скопје ќе биде Беким Фазлиу, за општина Чаир, Мухамед Тачи, за Бутел, Едмонд Мифтари, за Гази Баба, Насир Зеќири, во општина Шуто Оризари - Ибрахим Шума, Арачиново, Авни Гафури, Студеничани, Азем Садику и Сарај - Хазби Нуредини.