Њујорк, 28 септември 2016 (МИА) - Кандидатот за претседател на САД од Републиканската партија Доналд Трамп изјави дека Вашингтон треба да ги заштитува земјите-членки на НАТО, само доколку тие ги извршуваат своите финансиски обврски, пренесе ТАСС.
- Само пет од 28-те земји кои влегуваат во НАТО, ги исполнуваат своите финансиски обврски, додаде Трамп на предизборна манифестација во градот Мелбурн во Флорида.
- Тие сакаат да ги заштитиме, тоа е нормално, но треба да си ги платат сметките. А сега плаќаат само пет од 28 земји членки, рече Трамп.
Тој истакна дека во последно време НАТО започна да посветува повеќе внимание на тероризмот по неговите изјави во таа насока.