Поранешниот јужнокорејски претседател Јун Сук-јеол негираше денеска пред судот во Сеул, на неговото прво рочиште, дека на 3 декември накратко прогласил воена состојба во земјата затоа што сакал да изврши бунт за да го поткопа Уставот, за што е обвинет.
Јун влезе во Централниот окружен суд во Сеул преку подземен паркинг за да ја избегне јавноста, а фотографирањето и снимањето не беа дозволени според судски налог, објавија јужнокорејските медиуми.
Поранешниот јужнокорејски претседател се соочува со обвиненија дека водел бунт за време на воведувањето на воената состојба на 3-ти декември кога војската била распоредена во Националното собрание.
Тој беше отповикан од Националното собрание неколку дена подоцна, а сменет од функцијата на 4 април, откако Уставниот суд едногласно го поддржа неговото отповикување. Според јужнокорејскиот закон, бунтот носи максимална казна доживотен затвор или дури и смртна казна.