Багдад, 15 септември (МИА) - Ирачкиот новинар Мунтазер ал Зејди, кој го гаѓаше со чевли поранешниот американски претседател Џорџ Буш, во декември минатата година во Багдад, денеска е ослободен од затвор.
На излезот од затвор во Багдад Зејди беше пречекан од пратеници и симпатизери на неговото дело.
Зејди кој работеше во телевизијата „Ал Багдадија“ со фрлањето на чевлите по Буш и го нарече „куче“ стана херој во арапскиот свет.
Ирачкиот суд вчера донесе одлука за ослободување на Зејди, но согласно ирачките закони ослободените затвореници можат да го напуштат затворот еден ден по одлуката.
Зејди беше осуден на три години затвор поради нападот врз Буш, но казната му беше намалена на една година.