САД ќе му достават на Пакистан воена помош од две милијарди долари
Вашингтон, 23 октомври 2010 (МИА) - Американскиот државен секретар Хилари Клинтон синоќа изјави дека САД ќе му достават на Пакистан дополнителна воена помош во висина од две милијарди долари за следните пет години.
Клинтон го објави планот на тридневниот стратегиски дијалог меѓу Вашингтон и Исламабад. Според неа, средствата се наменети да му помогнат на Пакистан да води поефективна борба против терористите на границата со Авганистан.
Новиот план ќе го замени сличниот пакет со помала вредност кој почна да дејствува во 2005 година, а истече на 1 октомври годинава.
САД се надеваат дека новиот план ќе го увери Исламабад за ангажманот на Вашингтон кон неговите воени потреби. Средствата исто така треба да му помогнат на Пакистан да ги засили операциите против талибанците и групите на негова територија поврзани со Ал Каеда