Хавана, 2 февруари 2011 (МИА) - Поранешниот кубански претседател Фидел Кастро во својата колумна истакнува дека „судбината на египетскиот претседател Хосни Мубарак е решена“.
Фидел во својата колумна прочитана од спикер на државната телевизија наведува дека „дури поддршката на САД нема да може да ја спаси Владата“ на Мубарак.
- Народниот бунт во Египет е многу голем и нема да дозволи задржување на режимот, истакнува историскиот лидер на Кубанската револуција.
Тој посочува дека Израел нема да може да смета на Египет, како главен сојузник на Блискиот Исток.