Дубаи, 24 февруари 2011 (МИА) - Јеменскиот претседател Али Абдула Салех им нареди на силите за безбедност да ги заштитуваат антивладините демонстранти кои се обидуваат да стават крај на 32-годишното владеење. Тоа се вели во соопштение од јеменски претставници од Амбасадата во Вашингтон.
Освен тоа, Владата ги повика демонстрантите да бидат особено внимателни да не дозволат во нивни редови луѓе кои провоцираат насилства.
Владата ќе продолжи да го почитува правото на своите граѓани на мирни демонстрации и слобода на говор, се додава во соопштението.
Петнаесет луѓе беа убиени во протестите од минатата недела во таа држава. Вооружени приврзаници на претседателот често се обидуваа да ги оневозможат протестите на опозицијата во Сана и други градови.