Техеран, 25 февруари 2011 (МИА) - Најмалиот син на Моамер Гадафи, Сејф ал Араб преминал на страната на демонстрантите против режимот на татко му, објави иранската телевизија Пред ТВ која емитува програма на англиски јазик.
Според медиумот, Сејф ал Араб Гадафи вчера преминал на страната на демонстрантите во источниот град Бенгази.
Го повикал татко си да се самоубие или да пребега во Латинска Америка, јави телевизијата.
Ирански медиуми јавуваат дека тој бил испратен во Бенгази да им помогне на силите за безбедност да го задушат бунтот, но тој се присоединил со востаниците.