Токио, 17 март 2011 (МИА) - Официјалниот број на загинати и исчезнати лица по земјотресот со интензитет од девет степени по Рихтеровата скала, што на 11 март ги погоди североисточниот и источниот дел од Јапонија се искачи на 14.650, соопшти денеска јапонската полиција.
Според најновите податоци, бројот на загинати изнесува 5.321, а на исчезнати 9.329 луѓе, а во природната катастрофа повредени се 2.383 лица.
И покрај неприкнатата работа на спасувачките екипи, извесно е дека бројот на жртвите ќе биде огромен долж источниот брег на осттровот Хоншу, каде цунамито уништи повеќе од 55.830 куќи и згради.