Токио, 18 март 2011 (МИА) - Противпожарни возила на јапонската армија започнаа операција за ладење на третиот реактор на нуклеарната централа „Фукушима 1“.
Седум специјализирани машини брзо ќе се менуваат со цел да „насочуваат“ воден млаз во пукнатините на објектот, чиј покрив е речиси целосно уништен.
Предвидено е да бидат фрлени речиси 50 тони вода за ладење на базенот за складирање на гориво, соопшти јапонското Министерство за одбрана.