Советот на НАТО ќе одржи вонреден состанок на која ќе бидат разгледани воените планови за наложување на забраната за летови во зона над Либија.
Се очекува, највисокиот орган на Алијансата да издаде наредба за почнување овој викенд на воена операција во Либија. Се соопштува дека воени претставници ги подготвуваат последните детали за плановите за распоредување на десетици ловци-бомбардери, авиони за доставување гориво, хеликоптери и разузнавачки авиони во неколку воздушни бази во Јужна Европа.
Подготовките на НАТО се одвиваат во исто време со Самитот на претставници на арапскиот свет, Африка, САД и други западни сили кој ќе се одржи денеска во Париз, каде ќе стане збор за евентуалните воени дејствија врз силите на либискиот лидер Моамер Гадафи.