Лондон, 22 март 2011 (МИА) - Еден американски воена авион, од типот Ф-15Е-Игл,
се урна во Либија, за време на синоќешните, трети по ред бомбардирања и ракетирања на цели на либиската територија.
Двајцата пилоти успеале да се катапултираат и се со припадниците на американската армија. По катапултирањето едниот пилот бил земен од авионот „Оспри“ на американските маринци, а другиот бил пронајден од либиските бунтовници.
- Пилотите се полесно повредени, изјави портпаролот на Африканската команда.
Винс Кроли, претставник на западната коалиција, истакна дека авионот се урнал најверојатно поради техничка причина.
- НЕ сметаме дека авионот беше соборен, посочи Кроли.