Копенхаген, 12 мај 2011 (МИА) – Постои „огромна веројатност“ дека дански воени авиони го извршиле нападот на Триполи на 30 април кога беа убиени тројцата внуци на Моамер Гадафи и неговиот син Саиф Ал-Араб.
Како што јави дописник на МИА, со вакво тврдење денеска излезе данскиот дневен весник „Политикен“, повикувајќи се на проценки и анализи на воени експерти.
Ниту НАТО, ниту Данска не сакале да ги коментираат таквите податоци.
„Политикен“ сепак смета дека врз основа на сликите на една бомба во руините на резиденцијата на Гадафи, која не експлодирала, во голема мера е лесно да бидат исклучени воените авиони на другите седум земји, покрај Данска, кои учествуваат во бомбардирањата на Либија.