Пјонгјанг, 18 јули 2012 (МИА) - Лидерот на Северна Кореја Ким Џонг-ун е назначен за маршал на севернокорејската армија, соопштија државните медиуми во оваа земја.
Одлуката за давање на највисокото воено звање на младиот лидер беше донесена вчера, ден откако началникот на Генералштабот на севернокорејската армија Ли Јон-хо беше ослободен од должноста заради здравствени причини, забележаа западните агенции.
Претходно денеска севернојкорејските државни медиуми лиферуваа соопштение дека точно во 12.00 часот по локално време (03.00 по Гринич) раководството на земјата ќе даде важно соопштение. Последен пат ваква формулација медиумите искористија кога беше соопштено за смртта на Ким Џонг-ил, во декември минатата година.