Дисциплинската комисија при Европската фудбалска асоцијација (УЕФА) го казни шампионот на Хрватска, Риека со затворање на северната трибина на стадионот „Кантрида“ на натпреварот од 1.коло во Лига Европа.
Суспензијата на трибината „Рујевица“ е поради дискриминаторски скандирања за време на дуелот со Олимпијакос во плеј-офот од Лигата на шампионите. Имено, навивачката група на Риека „Армада“ за време на средбата со „црвено-белите“ од Пиреја скандираа „Убиј го Србинот“ „Кој не скока православен е“ и „Гази го циганот“.
За овие дискриминаторски пораки, Риека покрај празната трибина за мечот со АЕК (14.септември), ќе мора да плати и парична казна од 21.000 евра.
Риека до УЕФА упати жалба на оваа одлука.