Во Холивуд синоќа беа доделени Critics' Choice Awards, а онаа за најдобар филм ја доби „Беше еднаш во Холивуд“, на Квентин Тарантино. Филмот, според критичарите, го има и најдоброто оригинално сценарио.
Наградата за најдобра машка главна улога отиде кај Хоакин Феникс за филмот „Џокер“. Онаа за најдобра актерка– кај Рене Зелвегер за „Џуди“.
Наградата за режисер на годината ја поделија Бонг Џун Хо за филмот „Паразит“ и Сем Мендез за „1917“. Најдобри споредни актери се Бред Пит („Беше еднаш во Холивуд“) и Лора Дерн („Брачна приказна“).
За најдобар млад актер е прогласен Робин Грифин Дејвис во филмот „Џоџо Рабит“. Најдоброто адаптирано сценарио, според критичарите, го има „Прекрасен ден во соседството“. Тоа е напишано од Ноа Харпстер и Мика Фицерман-Блу.