Актерот Том Круз изградил Ковид-19 студио со цел безбедно да се заврши снимањето на блокбастерот Mission: Impossible 7.
Според „Sun“, Круз троши милиони за да адаптира една поранешна воена база за снимање и да обезбеди остатокот од продукцијата да помине без застој.
Неодамна се тврдеше дека пет членови од екипата за снимање се „откажале“ откако актерот врз нив го истурил својот бес поради тоа што ги прекршиле Ковид 19 протоколите во студиото на „Warner Bros” во Леусден, Велика Британија.
Според извор, кој сака да остане анонимен, Круз не бил воопшто среќен што веста за неговиот испад кон вработените, го нашла својот пат до медиумите, па сега снимањето се одвива уште понапнато од претходно.
-Том повеќе не може да ја поднесе ситуација, особено кога ќе се земе во предвид тоа што се беше направено за да се продолжи со снимањето. Тој е вознемирен што луѓето не ги сфаќаат нештата сериозно, како него, додава изворот.
Актерот се чувстува одговорен за целата продукција откако беа вложени голема сума на пари и време, со цел да се запазат сите протоколи и да се обезбедат соодветни услови за тимот да снима.