Празнични цени за големиот натпревар на нашата фудбалска репрезентација на денот на независноста. На 8 септември се очекуваат 35.000 гледачи на арената „Филип Втори Македонски“ .
Гостува Шпанија а ФФМ им излезе во пресрет на навивачите со вчерашната одлука која вреди да се поздрави. Најскапиот билет за да се гледа квалификацискиот мел Македонија - Шпанија изнесува 400 денари. Тоа е рекордна мала сума за меч и ривал како што Шпанија. Но и тоа не е се. Ќе има и билети од по 150 денари (исток и запад) и но 300 денари за крајните блокови од трибините север и југ.
Покрај оваа одлука за сумата на билетите за дуелот Македонија - Шпанија, УО на ФФМ одлучи домашниот Суперкуп да се игра на 19 август кога Вардар и Работнички ќе ги одмерат силите за големиот пехар.
Меѓу другото донесени се и пропозициите за Првата, Втората и Третите лиги за новата сезона која почнува на 8 август.