Во пресрет на утрешниот дуел, во одлична атмосфера четата на тим - менаџерот Игор Ангеловски го одработи оној вообичаен тренинг на теренот на „Земгали“ во Јелгава.
„Романтичарите“ денеска претпладне пристигнаа во Јелгава (Летонија) каде утре од 17:30 часот ќе го одиграат првиот меч од 2.квалификациско коло во Лигата на Европа со истоимениот тим.
Пред малку тие во одлична атмосфера го одработија оној вообичаен тренинг на теренот каде што ќе се одигра натпреварот.
„Романтичарите“ имаа можност да ја осетат тревата на Олимпискиот центар Земгали, да потсетиме дека станува збор за минијатурен стадион кој собира само 1.700 гледачи.