Направена е проценка на „главата“ на АПОЕЛ која вреди 100.000 евра. Толку пари ќе поделат фудбалерите на Вардар за победа или елиминација на првакот на Кипар и ланскиот учесник во Лигата на шампионите.
Од таборот на нашиот првак не се штедеа. Оваа цифра од 100.000 евра е најголема која е понудена како премија за било кој наш тим. Оваа цифра која треба фудбалерите да ја поделат е голем предизвик. Сепак играчите премијата ја ставаат во втор план. Таа и не е толку битна, но сепак има голем удел на ваквите пресметки. Поголем мотив да се победи АПОЕЛ пред преполн стадион во Скопје и над 25.000 гледачи речиси и нема.
Но ако се мине АПОЕЛ следува Митјиланд, а таму премијата е веќе 500.000 евра! Ваквите цифри, наградите од УЕФА но и бркотницата за билети е голем доказ за тоа што претставува фудбалот во однос на другите спортови.