Тренерот на Реал Мадрид, Зинедин Зидан се зарази со коронавирус, соопшти прес-службата на клубот. Во моментов нема дополнителни информации за здравјето на францускиот фудбалски стручњак.
Најверојатно, Зидан ќе го пропушти натпреварот од 20. коло во Ла Лига против Алавес, што ќе се одржи вo сабота на 23 јануари. Почетокот е во 21 часот.
Во моментов, Реал Мадрид е на второто место во поредокот, со седум бода помалку од Атлетико.
Зидан по втор пат го презеде Реал Мадрид во март 2019 година. Како тренер на „кралскиот клуб“ 48-годишниот Французин ја освои Лигата на шампионите три пати, двапати шпанскиот шампионат, исто толку пати Суперкупот на Шпанија, Суперкупот на УЕФА и освојувач е на светскиот клупски шампион.