Тренерот на Рома, Жозе Мурињо, го критикуваше системот на натпреварување во Купот на Италија, бидејќи според негово мислење не ги штити помалите клубови.
![](http://images.idividi.com.mk/images/murinjo129.jpg)
Реакцијата на Мурињо уследи откако Рома избори пласман во четвртфиналето во Купот на Италија, совладувајќи ја вчера Џенова со 1-0, и во четвртфиналето ќе игра против победникот од дуелот меѓу Наполи и Кремонезе.
-Би сакал Рома да го освои Купот на Италија. Еднаш успеав во тоа со друг клуб против Рома, а сега сакам да го повторам со мојот тим. Меѓутоа, мислам дека ова е најлошото куп натпреварување во Европа, бидејќи не ги штити помалите клубови, Купот на Италија воопшто не е шоу. На пример, Торино на гостински терен го победи Милан, а потоа и следниот натпревар мора да го игра како гостин, рече Мурињо.
Португалскиот стратег има трофеј во Купот на Италија со екипата на Интер во сезоната 2009/2010.