Фудбалерот од средниот ред на Реал, Арда Ѓулер може да ја продолжи кариерата во Германија, објави новинарот Флоријан Плетенберг.
Според Плетенберг, Баер е заинтересиран за 19-годишниот Турчин. Германскиот клуб го следеше играчот кога тој се пресели од Фенербахче во Реал Мадрид.
Од друга страна, клубот од Мадрид нема намера да се раздели со Ѓулер во зимскиот преоден рок, но може да размислува за трансфер на лето.
Сезонава Ѓулер одигра 17 натпревари на кои постигна гол и асистенција.
Порталот „Трансфермаркт“ ја проценува вредноста на играчот на 45 милиони евра.