Играчот од средниот ред на Арсенал, Деклан Рајс, ја пофали важноста на тренерот Микел Артета за „топчиите“.
Арсенал синоќа го победи Реал Мадрид со 2:1 во реваншот од четвртфиналето на Лигата на шампионите и со вкупни 5:1 избори пласман во полуфиналето на елитното фудбалско натпреварување.
-Имаме целосна доверба во нашиот тренер Микел Артета. Тој е неверојатен. Знаевме дека ќе го победиме Реал Мадрид, напиша Рајс на неговата страница на социјалната мрежа Икс.
Арсенал во полуфиналето ќе игра со ПСЖ, првиот натпревар во Лондон на 29 април, реваншот во Париз на 6 мај.
Во другото полуфинале Барселона ќе се соочи со Интер.