Лидерот на табелата во италијанското фудбалско првенство, Наполи, ќе се обиде да го привлече Џек Грилиш од Манчестер Сити, објави британскиот дневен весник „Сан“. Според информациите, тренерот на „небесно сините“ Антонио Конте е голем поддржувач на англискиот интернационалец и лично се залага за негов трансфер.
Наполи е три бода пред Интер во трката за титулата во Италија, а Конте сака да направи значаен трансфер за да му помогне на тимот во Лигата на шампионите следната сезона. Друго име во плановите на лидерите во Серија „А“ е Кевин Де Бруин, исто така од Сити.
Весникот „Сан“ пишува дека Грилиш би заминал доколку има добра понуда, а Наполи не е единствениот клуб заинтересиран за играчот од средниот ред. Десеткратните шампиони на Англија потпишаа со него во август 2021 година од Астон Вила за 117,5 милиони фунти и тој беше дел од тимот што освои четири трофеи во 2023 година.
Сепак, Грилиш постепено го загуби своето место во стартниот состав во Сити и одигра само 19 натпревари за тимот во Премиер лигата оваа сезона.