Тренерот на Реал Мадрид, Чаби Алонсо, по синоќешната победа од 4:1 над Леванте во шестото коло од Шпанското фудбалско првенство, истакна дека тимот е во фаза на изградба под водство на нов тренерски штаб.
- Во фаза сме на изградба. Тука сме веќе 51 ден и сè уште имаме многу работа. Градиме солидна основа. Многумина во тимот се чувствуваат вклучени и важни, но има работи што треба да се подобрат. На добар пат сме. Благодарение на резултатите и начинот на кој сè е организирано. Ова е само почеток и сакаме да продолжиме да играме добро. Имањето квалитетни играчи ми ја олеснува работата многу. Тоа се играчи способни да играат на различни позиции, изјави Алонсо за „АС“.
Реал Мадрид победи на шест од шест натпревари и е на чело на табелата. Леванте е на 16. место со четири бода.