Фудбалерот на турскиот Фенербахче, Бразилецот Роберто Карлос изјави дека би играл бесплатно за Реал Мадрид по истекот на договорот со Фенербахче.
Бразилскиот ветеран ја игра својата трета сезона во дресот на Фенербахче, кој совршено ја започнаа со осум победи по ред од почетокот на сезоната, но Карлос изјави дека на крајот на оваа година ќе го напушти клубот.
"Ова е моја трета сезона во Турција, и одлучив да биде и последна. Сакам да се вратам во Бразил и да играм за некој од домашните клубови. Спремен сум да играм за Реал шест месеци и тоа бесплатно, го сакам тоа. Во Мадрид го поминав најубавиот период од мојата кариера и ги освоив сите трофеи со Реал и тој град го сметам како мој дом." изјави 36- годишниот фудбалер.
За осум години поминати на "Сантијаго Бернабе" Карлос постигна 71 гол и одигра 584 меча, и додека неговото враќање во клубот како играч е само сон, враќањето во иднина во некоја друга улога е реална опција.