Новинарот на Сан, Даниел Сендерсон го фатил на дело таткото на Џон Тери, Тед, како продава дрога низ улиците на Лондон. Новинарот се сретнал со Тед Тери во вински бар во Есекс, а целата трансакција ја завршиле во тоалетот.
Новинарот се правел "потрчко" на богат "газда" и купил пробни три грама "смртоносен кокаин" спакуван во три одвоени пакетчиња по цена од 40 фунти за грам. На крајот, постариот Тери го замолил својот партнер на својот шеф да не му открива од каде ја набавил дрогата.
"Ова е само меѓу мене и тебе. Немој да им кажуваш на луѓето дека јас сум татко на Џон. Не мислам дека тоа може да им пречи, но никогаш не се знае. Не им кажувај, а јас ќе им набавам 'роба' колку сакаат", му рекол Тед на новинарот на задача.
Скандалот со таткото на Тери е откриен вчера, неколку часа во пресрет на големото дерби меѓу Челзи и Манчестер Јунајтед на Олд Трафорд. Пред само неколку месеци откако неговата мајка беше фатена во стоковната куќа Маркс и Спенсер во кражба на облека вредна 800 фунти. Инаку, родителите на Џон се разделени, Тед е невработен и за него финансиски се грижи синот кој годишно заработува 10 милиони фунти.