Капитенот на француската фудбалска репрезентација Тиери Анри после натпреварот со Република Ирска и контроверзниот гол кој ги одведе "триколорите" на Светското првенство во Јужна Африка призна дека играл со рака.
"Играв со рака, но јас не сум судија. Топката ме погоди во раката а судијата тоа не го примети па јас продолжив да играм. Сето тоа не може да ја расипе мојата радост што се пласиравме на Светското првенство" изјави францускиот напаѓач.
Од другата страна селекторот на Ирска, Џовани Трапатони не го крие незадоволството од ваквиот епилог. "Цел свет виде што направи Тиери Анри и судијата тоа мораше да го санкционира во консултација со помошникот. Мислам дека и самиот Анри го призна играњето со рака на судијата.
Навистина сум многу разочаран бидејќи во реваншот одигравме многу добар меч за разлика од првата средба. Кога се ќе се собере ние бевме тие кој го заслужија патот за Јужна Африка" изјави Трапатони.