Нашиот репрезентативец Горан Пандев и официјално не е под договор со римски Лацио. На денешната расправа двете страни се договориле Пандев повеќе да не е дел од Лацио со што веќе може да преговара со кој клуб посакува за да премине во јануарскиот преоден рок.
Нашиот фудбалер веќе неколку месеци е надвор од првиот тим на Лацио а поточно четири месеци тренираше сам со што и формата е делумно опадната. Но и покрај се за неговите услуги веќе многу клубови пројавија интерес од кои Рома се издвојува како најнова на листата на заинтересирани.
Пандев во јануари ќе може да замине каде сака, останува да видиме која ќе биде неговата следна дестинација и дали тоа ќе биде клуб од рангот на Јуве, Интер, Реал ,Ливерпул или сепак струмичанецот ќе се реши за состав со помала репутација.