Последните денови се почесто се шпекулира дека тренерот на Интер, Жозе Мурињо ќе го напушти кормилото на миланскиот клуб, со кого оваа сезона остварува големи успеси.
Мурињо ја освои двојната круна во Италија (првенството и Купот), а пред него е уште и финалниот меч во Лигата на Шампионите против Баерн Минхен, кој ќе се одигра во сабота на 22 мај во Мадрид.
Мадридскиот натпревар може да биде и последен за Мурињо на клупата на Интер, а самиот тој изјавил дека Италија се помалку му се допаѓа, иако се сомнева во сопственото заминување.
"Особено е тешко да се процени што ќе одлучи тој вулкан од карактер и на која страна ќе се сврти" - рекол сосптвеникот на Интер, Масимо Морати и продолжил:
"Уживав во секој момент од неговиот престој во Интер. Топло се надевам дека ќе остане, но ако ме прашувате што прогнозирам имам чувство дека ќе замине. За клубот стори многу, а верувам дека сето тоа ќе даде и резултат, односно дека за неколку дена ќе бидеме прваци на Европа" - порачал Морати.