Фернандо Торес и во следната сезона ќе го носи дресот на Ливерпул. Ваков епилог дала средбата меѓу шпанскиот репрезентативец и менаџерот Рој Хоџсон одржана вчера во клупските простории.
"Се сретнав со Фернандо и имав можност да видам дека се работи за прекрасно момче со кое имав убав разговор. Сакаме тој да остане кај на затоа што е значаен дел од Ливерпул. Кристијан Парслоу исто така беше на состанокот и сите тројца дојдовме до заклучок дека Торес ќе остане на Енфилд", откри Хоџсон.
Покрај Торес, новиот менаџер на Ливерпул откри дека во клубот останува и капитенот Стивен Џерард, кој летово беше поврзуван со трансфер во Реал Мадрид. Двете ѕвезди заедно со другите фудбалери ќе се обидат да го вратат реномето на Ливерпул, кој минатата сезона ја заврши на седмата позиција на табелата во Премиер-лигата и ќе игра во Лигата на Европа. Останува само уште да се дефинира ситуацијата со Хавиер Маскерано, кој побара дозвола за трансфер, а би можел да се пресели во Интер или Барселона.