Играчот од средниот ред на Барселона, Чави Ернандес истакна дека неговиот сонародник кој настапува во Арсенал, Сеск Фабрегас со сигурност ќе се врати на "Ноу Камп".
Познато е дека Каталонците имаат голема желба да го вратат Фабрегас во матичниот клуб, но не можат да се договорат со "топчиите" околу цената на фудбалерот.
"Знам дека Сеск уште оваа сезона сака да се врати, но не знам дали ќе има доволно време за договор меѓу Барса и Арсенал. Англичаните треба да разберат само дека го одложуваат неизбежното. Ако ова лето не го доведеме, Арсенал само ќе го има Сеск под наем за една сезона, затоа што ништо не може да го сопре да дојде кај нас во следното лето", изјави Чави.
"Претставниците на Фабрегас ќе имаат цела сезона да ги расчистат деталите околу трансферот и сум сигурен дека ќе се реализира. Не сум се откажал од можноста дека и ова лето ќе дојде. Бевме заедно со него пет недели на Светското првенство во Јужна Африка и тој сосем јасно ни изјави дека сака да дојде на "Ноу Камп". Сепак сега не сака да направи ништо со што ќе ги повреди навивачите на Арсенал", дополни играчот на Барса.