Робен: Ливерпул има подобри напаѓачи од Барса

Играчот на Баерн Минхен, Арјен Робен изјавил дека офанзивната линија на Ливерпул, на чело со Џо Кол, Торес и Жерард е поопасна од нападот на Барселона.

Според зборовите на Робен, со доаѓањето на Кол, Ливерпул ќе биде многу посилен.

"Мислам дека за Ливерпул овие тројца напаѓачи ќе бидат вистинската сила во Премиер лигата, така да ги гледам како сериозни кандидати за титулата" - рекол Робен.

"Од овие тројца тешко дека ќе најдете подобро трио во сите европски тимови, вклучувајќи ја и Барселона. Се согласувам со изјавата на Жерард дека Кол е добар дриблер како и Меси." - продолжил Робен.

"Ако игра повеќе по средината, Кол ќе постигне доста голови, има одличен преглед на играта, ќе му создаде доста шанси на Торес. Мислам дека управата на Челзи направи голема грешка што му дозволи на Кол да си замине. Тој го сакаше Лондон, навивачите на Челзи, но сигурно некој многу го вознемири, штом се одлучи да ги напушти сите" - завршил Робен.