Наводно, на сослушувањето Иван "Грозни" изјавил дека
дивеењето не е вперено против Италија, туку против репрезентацијата на Србија и дека претерал поради дејството на алкохолот. Додал дека е националиста како и сите Срби. Пресудата се очекува за утре, можната казна затвор од две години и протерување од Италија.
Водачот на хулиганите, Иван Б., како што јавуваат италијанските медиуми рекол дека се што се случило во Џенова нема никаква врска со Италија.
"Немам ништо против Италија, се е насочено кон селекцијата на Србија." - рекол уапсениот хулиган пред Судот.
Тој додал дека е српски националиста како и сите Срби.
"Не сум Арканов тигар, признавам дека малку претерав, бидејќи премногу испив." - рекол Иван Б.
Како што пишуваат белградските медиуми, учествувал во палењето на американската амбасада, кривично е обвинет за насилство, напад врз службени лица, поседување наркотични средства, а учествувал и во демонстрациите на 5. октомври кога е срушен режимот во Србија.
Член е на групата "Белградски момци", која е на списокот за забрана кој е поднесен пред Уставниот суд на Србија.
Процесот веднаш ќе биде завршен, утре ќе биде објавена пресудата. Како што пренесуваат италијанските медиуми, постои можност за спогодба, според која Иван Б. би добил две години затвор и би бил протеран од Италија.