Репрезентацијата на Македонија напредуваше за една позиција на најновата ФИФА ранг листа. Македонија се наоѓа на 70-то место со 455 бода.
Противниците на нашата селекција во квалификациите за ЕУРО 2012 исто така имаа напредок. Русија имаше голем скок од 15 позиции и влезе меѓу десетте најдобри со пласман на 10-то место. Република Ирска се проби на 32-то место (+1), а фантастичен успех има Ерменија која напредуваше дури за 45 позиции и сега се наоѓа на 60-то место. Словачка падна за 4 позиции и сега е 20-та, додека Андора останува на 202-та позиција.
На врвот и натаму води Шпанија со 1881 бода, пред Холандија која има 1683 и Бразил кој ја мина Германија. ФИФА ранг листа на Топ 10: 1. Шпанија 1881 бода (0), 2. Холандија 1683 (0), 3. Бразил 1493 (+1), 4. Германија 1481 (-1), 5. Аргентина 1320 (0), 6. Англија 1205 (+1), 7. Уругвај 1167 (-1), 8. Португалија 1123 (0), 9. Хрватска 1086 (0), 10. Русија 1061 (+15).