Адриано Галијани изјави за италијанските медиуми дека овој Интер кој е предводен од Рафа Бенитез е помалку застрашувачки во споредба со оној што го предводеше Жозе Мурињо. Градското дерби помеѓу Интер и Милан ќе се одигра следната недела и полека атмосферата се загрева.
Потпретседателот на "Росонерите", Адриано Галијани за "Sky Sport Italia" изјави дека Милан не се плаши од Интер, зошто "Нероазурите" без Жозе Мурињо на кормилото се далеку послаби во споредба со минатата сезона.
"Потребно е да одиме чекор по чекор. Пред средбата со Интер не очекува дуелот против Палермо, тим кој е поопасен на гостински терен отколку кога игра дома. Но составот на Бенитез не не плаши толку многу како оној Интер на Мурињо. Мислам дека имаме големи шанси да триумфираме против нив" изјави Галијани.