Екипите од Италија следната сезона би можеле да имаат едно место помалку на средбите од Лигата на шампионите доколку до крајот на сезоната не се случи нешто изненадувачко.
Поради слабите резултат Италија го губи третото место во рангирањето на лигите, па на оваа позиција би можела да се најде Бундес-лигата. Со тоа Германија би добила уште едно место и на тој начин ќе се најде рамо до рамо со Англија и Шпанија кои ги имаат првите две позиции во моментов.
Според најновото рангирање Италија има помал клупски коефициент од Германија. Италијанците се на бројката од 59,9 додека Германија има 67,4 што е далеку подобро, па со тоа и дава шанса следната сезона да се избори за четири места во Лигата на шампионите. Се случи ли ова тогаш само три екипи од Серија "А" ќе можат да дојдат до настап во најсилното клупско натпреварување во европски рамки.
Вакво нешто можеше да се случи и минатата година, но тогаш Интер успеа да ја спаси Италија со победата во ЛШ. Како што се движат сега работите тешко дека може да се повтори истата ситуација и сигурно е дека Германија ќе се најде пред Италијанците во рангирањето за изборување на места во Лигата на шампионите.