Бразилецот во редовите на Реал Мадрид, Кака, изјавил дека тренерот Жозе Мурињо е најсилното оружје на "кралскиот клуб" во претстојните мечеви со Барселона.
Португалецот неодамна во финалето од кралскиот Куп ја забележа првата победа во дуелите со Барселона откако е на клупата на Реал, и сега се подготвува да ги елиминира Каталонците и од елитната Лига на Шампиони.
„Мурињо е неверојатен. Ако треба да го оценам ќе му дадам 10. Тој е нашето најсилно оружје. Задоволен сум, бидејќи тој ни дава доверба и ни помага.” - изјавил Кака, кој за викендот кој измина стана татко по втор пат.
„Изминатите неколку дена беа исклучителни за мене. Неодамна ми беше роденден, па по втор пат станав и татко. Освен тоа освоивме пехар, а до крајот на сезонава можеме да се избориме за уште радости. Се надевам дека овие две средби против Барселона ќе бидат уште подобри во споредба со финалето од кралскиот Куп. Моите мисли сега единствено се насочени кон успех со Реал” - додал Кака.