Членовите на раководството на Барселона по состанокот кој го одржаа еден ден по средбата против Реал Мадрид поднесоа тужба до УЕФА со која ќе бараат правда на зелената маса. Причината за ова се изјавите на Мурињо после натпреварот во кои тој го споменуваше УНИЦЕФ и одредени личности како виновници за поразот.
"Гвардиола е фантастичен тренер, но нека освои Лига на шампиони во која никој не би се срамел. Нека биде се чесно. Нер знам дали ова се случува поради Вијар или поради Уницеф. Не можам да разберам", кажа Мурињо после средбата.
Овие изјави во Барселона ги сфатија како навреда, па адвокатите на клубот експресно поднесоа тужба до УЕФА и ова ќе биде на дневен ред во текот на следната недела.
Ниту од противничкиот табор не седеа со скрстени раце и брзо дадоа одговор за тужбата на Барселона. Тие немаат жалење за некоја од изјавите кои ги дадоа Каталонците после средбата, туку се однесува да фудбалерите и тоа за настаните на теренот.
На интернет страницата на Реал Мадрид е објавено дека клубот веќе има испратено тужба до УЕФА поради "неспортско однесување" на фудбалерите на Барселона за време на првата полуфинална средба од Лигата на шампионите која се одигра на "Бернабе" во средата.
Од УЕФА веќе е реагирано и најавена е истрата на случајот.
УЕФА кажа што ќе разгледува
Според информациите кои се објавени на интернет страницата на УЕФА, на 6 мај ќе има неколку работи кои ќе бидат предмет на разгледување. Предмет во случајот Реал Мадрид се: фрлање на предмети на теренот, црвениот картон на Пепе, бркањето на Мурињо на трибините, но и неговите изјави по натпреварот.
Барселона е предмет на испитување само за црвениот картон кој го доби Пинто на полувремето.