Фудбалската репрезентација на Германија со синоќешната победа над Азербејџан практично обезбеди пласман на Европското првенство кое во 2012 година ќе се одржи во Полска и Украина, бидејќи во досегашните седум натпревари постигна исто толку победи. На Германија можеби нема да и биде потребен ниту еден бод до крајот на квалификациите за да го освои првото место доколку Турција, која има средба помалку, не победи на сите останати натпревари.
Преглед на резултати од квалификациските дуели за ЕП 2012 одиграни во текот на вчерашниот ден:
Група „А“: Азербејџан - Германија 1:3.
Табела Германија 21 бод, Белгија 11, Турција 10, Австрија 7, Азербејџан 3, Казакстан 3.
Група „Ц“: Фарски Острови - Естонија 2:0.
Табела: Италија 16 бодови, Словенија 11, Србија 8, Естонија 7, Северна Ирска 6, Фарски Острови 4.
Група „Д“: Белорусија - Луксембург 2:0 и Босна и Херцеговина - Албанија 2:0.
Табела: Франција 13 бодови, Белорусија 12, Босна и Херцеговина 10, Романија 8, Албанија 8, Луксембург 1.
Група „Е“: Шведска - Финска 5:0 и Сан Марино - Унгарија 0:3.
Табела: Холандија 18 бодови, Шведска 15, Унгарија 12, Финска 6, Молдавија 6, Сан Марино 0.