Во реванш натпреварот од второто квалификациско коло од фудбалската Лига на шампионите, вечерва од 20 часот и 45 минути, во Скопје на Националната Арена „Филип Втори“, македонскиот првак Шкендија го пречекува шампионот на Србија, екипата на Партизан.
Првиот дуел одигран пред шест дена во Белград заврши со победа на „црно-белите“ од 4:0, резултат што на Шкендија и дава само теоретски шанси за пласман во следното коло.
Освен натпреварот во Скопје денеска се играат уште 11 други реванши. Двојките и резултатите од првите средби се: Флора - Шамрок (0:1 по првиот дуел), Екранас - Валета (3:2), Нефчи - Динамо Загреб (0:3), Тобол - Слован Братислава (0:2), ХЈК - Бангор Сити (3:0), БАТЕ Борисов - Линфилд (1:1), Дуделанж - Марибор (0:2), Литекс - Могрен (2:1), Торшавн - Малме (0:2), Плзен - Пјуник (4:0) и Висла Краков - Сконто (1:0).
Преостанатите пет натпревари со кои ќе се комплетира 2.коло се играат утре.