Репрезентацијата на Уругвај е првиот финалист на јужно-американското фудбалско првенство „Копа Америка 2011“, откако рано утрово по македонско време ја совлада селекцијата на Перу со 2:0.
Во првото полуфинале кое се одигра во Ла Плата Уругвај успеа да триумфира со двата гола на Луис Суарез. Играчот на Ливерпул и репрезентативец на Уругвај головите ги постигна во 53.та и 58.та минута.
Второто полуфинале на шампионатот што се одржува во Аргентина се игра доцна вечерва (02:45 часот по македонско време) во Мендоза, а ривали се Венецуела и Парагвај.
Финалето е закажано на 24 јули.