Македонската фудбалска репрезентација за играчи до 21 година попладнево ја забележа првата победа во квалификациите за Европското првенство, кое 2013 година ќе се одржи во Израел.
Младите македонски репрезентативци ги победија своите врсници од Фарските Острови со резултат 1:0. Стрелец на единствениот гол на натпреварот кој се одигра на стадионот „Борис Трајковски“ во Скопје беше Самир Фазли во 41 минута. Токму стрелецот на победничкиот гол поради втор жолт картон беше исклучен во 77 минута, па Македонија со играч помалку го заврши натпреварот.
Табела: Србија 8 бодови (4 одиграни натпревари), Данска 7 (3), Македонија 4 (2), Северна Ирска 4 (4), Фарски Острови 1 (5).
Следниот натпревар Македонија го игра во вторник против Данска, повторно на домашен терен.